दोलखा, चैत्र २४/सवारी दर्ुघटनामा पव्लिक क्याम्पस प्राध्यापक संघका अध्यक्ष भीमप्रसाद दाहाल गम्भीर घाइते भएका छन् । उनलाई उपचारका लागि आजै हेलिकप्टरबाट काठमाडौँ लगिएको छ ।रामेछापको बेतालीबाट काठमाडौँ जाँदै गरेको अरनिको यातायातको बा २ ख ६२०५ नं को बसले सदरमुकाम चरिकोटबाट काब्रे गाविस, मैनापोखरीतर्फजाँदै गरेको बा ५४ प ६६३ नं. को मोटरसाइकललाई नाम्दु गाविस डाँडागाउँमा ठक्कर दिँदा अध्यक्ष दाहाल घाइते भएको प्रहरीले जनाएको छ ।
दाहाललाई टाउकोमा गम्भीर चोट लागेको चिकित्सकले जानकारी दिएका छन् । काब्रे गाविस ६ घर भएका उनलाई दोलखा सामुदायिक अस्पताल, चरिकोटमा उपचारपछि थप उपचारका लागि काठमाडौँ लगिएको हो । दाहाल नेकपा एमाले दोलखाका सचिवालय सदस्य तथा हनुमन्तेश्वर उच्च मावि काब्रेका सहायक प्राचार्य समेत हुन् ।
दाहालसँगै मोटरसाइकल चालक नाम्दु गाविस ३ का टीकाराम घिमिरे पनि घाइते भएको छन् । उनलाई पनि थप उपचारका लागि हेलिकप्टरमार्फ काठमाडौँ लगिएको छ ।
मोटरसाइलकाई ठक्कर दिने बस र चालकलाई प्रहरीले नियन्त्रणमा लिई अनुसन्धान प्रक्रिया अघि बढाइएको प्रहरीले जानकारी दिएको छ ।
हाम्रा कुरा
No comments:
Post a Comment