राष्ट्रपतिसँग पनि दोलखालीको उही गुनासो

दोलखा, जेठ २२/विनासकारी भूकम्पले विध्वंस मच्चाएको झण्डै ६ सातापछि शुक्रवार राष्ट्रपति रामवरण यादवले क्षति ग्रस्त दोलखाको निरीक्षणका गरेका छन् ।
निरीक्षणका क्रममा दोलखा सदरमुकाम चरिकोट आएका राष्ट्रपति यादवसँग पनि स्थानीय प्रशासन र  दलहरुका स्थानीय प्रमुखहरुले उही गुनासो गरेका छन् जुन गुनासो यसअघि प्रधानमन्त्री लगायतलाई गर्ने गरेका थिए ।

दोलखामा अझै १९ बेपत्ता, दुइ कंकालको सनाखत भएन

दोलखा, जेठ २१ । गत बैशाख २९ गतेको विनासकारी भूकम्पमा परी बेपत्ता भएका १९ जनाको अझै पत्तो लाग्न सकेको छैन भने त्यसको करिब दुइ सातापछि पहिरोबाट झिकिएका दुइ शवको सनाखत नै हुन सकेको छैन ।
बैशाख २९ को भूकम्पमा दोलखाको उत्तरी क्षेत्रको सिँगटी, सोरुङ, भोर्ले लगायतकेा क्षेत्रमा गएको सुख्खा पहिरोमा धेरै मानिसहरु पुरिएको स्थानीयले बताउँदै आए पनि जिल्ला प्रहरी कार्यालय दोलखामा १९ जना मात्रै हराएको उजुरी परेको जिल्ला प्रहरी कार्यालयका सूचना अधिकारी प्रहरी निरीक्षक सन्तकुमार लामाले बताए ।

उत्तरी दोलखाका अधिकांश विद्यालय खुलेनन्

दोलखा, जेठ १७/विनासकारी भूकम्पले दोलखाको उत्तरी क्षेत्रको यातायात सेवा अवरुद्ध हुँदा ती क्षेत्रका अधिकांश विद्यालयहरु खुल्न सकेनन् ।
सरकारले भूकम्पबाट अति प्रभावित जिल्लाहरुमा आइतवारदेखि विद्यालय सञ्चालन गर्न भने पनि यातायात र भौतिक पर्ूवाधारको अभावमा दोलखाको उत्तरी ९ गाविसका अधिकांश विद्यालय खुल्न नसकेको हो ।

सडक खोल्न र शव उठाउन निजीकै भएपनि साधन लिन मन्त्री निधिको आदेश

चरिकोट बीचबजार सडकको भग्नावशेष हटाउँदै मन्त्री निधि र उनको टोली । 

दोलखा, जेठ १५ । विनासकारी भूकम्पले अवरुद्ध भएको दोलखा जिल्लाभरको सडक सञ्चालन गर्न र जिल्लाको खासगरी उत्तरी क्षेत्रको पहिरोमा परी हराइरहेकाहरुको शव उत्खनन् गर्न जवरजस्ती भए पनि निजी क्षेत्रको हेभी इक्वीपमेन्ट उठाउन भौतिक पूर्वाधार तथा यातायात मन्त्री विमलेन्द्र निधिले दोलखा प्रशासनलाई निर्देश गरेका छन् ।

दोलखामा भूकम्पपछि पहिरोको त्रास

पहिरोको जोखिममा रहेको सिँगटीमा झरेको सुख्खा पहिरो

दोलखा, जेठ १०। पटकपटकको महाभूकम्पले दोलखावासी घरवारबिहिन त बने नै, त्यसमाथि पनि आउँदो वर्षासँगै बाढी पहिरोको जोखिमको त्रासले समेत उनीहरुलाई सताउन थालेको छ ।
दोलखाको उत्तरी क्षेत्रका नदी किनारका वासिन्दाहरुलाई अहिले पनि सुख्खा पहिरोले सताइरहेको छ, त्यसैले पनि उनीहरु वर्षामा थप बाढी पहिरोको जोखिम हुने त्रासले उनीहरुलाई सताएको हो । उत्तरका दुर्गम १८ गाविस लगायत अन्य केही गाविसहरु समेत पहिरोको उच्च जोखिममा रहेकोले उनीहरु राति राम्रोसँग सुत्ने अवस्था नभएको बताउँछन् ।

अस्थाई आवास निर्माणमा नेता कार्यकर्ताहरु

भूकम्पले क्षतिग्रस्त भएको विद्यालय भवन भत्काउँदै
एमाओवादी नेता नारायणकाजी श्रेष्ठ र टोली

दोलखा जेठ ९/तीन पटकसम्म गएको शक्तिशाली भुकम्पले दोलखा जिल्लाका सबैजसो घरहरु क्षति भएपछि उनीहरु अहिले पालमा आश्रय लिइरहेका छन् । वर्षा लाग्दैगर्दा पालमा आश्रति उनीहरुलाई अस्थायी वास निर्माणमा विभिन्न दलका नेता कार्यकर्ताहरु सक्रिय भएका छन् ।
विनासकारी भूकम्पले क्षति ग्रस्त दोलखाका निजी घर तथा विद्यालयका कक्षाकोठा निर्माणमा उनीहरु अहिले लागिपरेका छन् । अस्थायी आवास निर्माणका साथै उनीहरुले गाउँलेहरुको

पालबाटै रेडियो प्रसारण, पत्रिका अझै बन्द

पालबाट प्रसारण गर्दै रेडियो भीमेश्वर

दोलखा, जेठ ८/महाभुकम्पले भवन र उपकरणमा क्षती पुर्‍याएपछि जिल्लाका सामुदायिक एफएमहरुले पालबाटै रेडियोको प्रसारण गरिरहका छन् ।
गत बैशाख १२ गतेको महाभुकम्प र २९ गतेको शक्तिशाली पराकम्पनले सदरमुकाम चरिकोटका ४ ओटै सामुदायिक रेडियोका भवनहरुमा क्षती पुगेपछि रेडियोहरुले पालबाट कठिन तरिकाले प्रसारण थालेका हुन् । जिल्लाबाट प्रकाशन हुने पत्रपत्रिकाले

छिमेकीको उद्धार

सदरमुकाम चरिकोट नजिकैको गौतमटोलमा एकल जेष्ठ महिलाको घर महाभूकम्पले ध्वस्त बनाएपछि स्थानीय युवाहरु उनको घरको भग्नावशेषबाट पुरिएका सामान निकाल्ने प्रयास गर्दै । 

निजी बैंक खुलेनन्, सरकारी प्यासेजमा

राष्ट्रिय वाणिज्य बैंकका कर्मचारीहरु प्यासेजमै बैंकिङ कारोबार गर्दै

दोलखा, जेठ ६/महाभूकम्पले भवनहरु क्षत्रि्रस्त भएपछि बन्द भएको दोलखाको बैंकिङ सेवा करिब चार सातापछि बुधवारबाट पुनः सचालनमा आएको छ ।
सदरमुकामस्थित चरिकोट सातदोबाटोमा रहेको राष्ट्रिय वाणिज्य बैंकले बुधवारबाट कार्यालय भवनको प्यासेजमा बसेर कारोवार सुरु गरेको छ । यस्तै नेपाल बैंक लिमिटेड चरिकोट शाखाले कोष तथा लेखा नियन्त्रण कार्यालयको प्रांगणमा बसेर कारोबार शुरु गरेको छ ।

हप्तौँदेखि बैंक बन्द, हातमा चेक छ, चिया पिउने पैसा छैन

बैशाख २९ को भूकम्पले ढलेको अरनिको विकास बैंक

दोलखा, जेठ ४/तीनपटकसम्म गएको विनासकारी भूकम्पका कारण दोलखा सदरमुकाम चरिकोटका अधिकांश भवनहरु क्षति ग्रस्त भएपछि बजारसँगै बैंकहरु पनि बन्द भएका छन् । निजी बैंकसँगै सरकारी बैंकहरु पनि बन्द भएपछि मानिसहरु चरम आर्थिक संकटमा परेका छन् ।
गत बैशाख १२ र १३ गते गएको भूकम्पपछि जनजीवन सामान्य बन्न थालेकै बेला अर्को विनासकारी भूकम्पले दोलखा सदरमुकाम चरिकोटलाई झनै अस्तव्यस्त बनायो ।

भवन क्षति भएपछि सडकमै उपचार

सातदोबाटो चोकमा च्छोरोल्पा जनरल अस्पताल सेवा दिँदै

ट्रमा र झाडापखालाका विरामी बढे 
दोलखा, ३ जेठ/तीनपटकसम्म गएको विनासकारी भूकम्पका कारण अस्पताल र स्वास्थ्य संस्थाहरुको भवन बस्न नमिल्ने गरी क्षति भएपछि उनीहरुले सडकमै स्वास्थ्य उपचार सेवा दिँदै आएका छन् ।
सदरमुकामस्थित प्राथमिक स्वास्थ्य केन्द्रको भवन क्षति भएपछि प्राङ्गणमै पाल टाँगेर स्वास्थ्य सेवा प्रदान गरिरहेकेा छ ।

तेस्रो भूकम्पपछिको सुनसान सिँगटी :

विनासकारी भूकम्पले सिँगटी भग्नावशेषमा परिणत भएपछि 

शवको सनाखत गर्ने मानिस पनि छैनन् 
दोलखा, २ जेठ/कुनै बेला ठुलै चहलपहल हुने गरेको दोलखाको उत्तरी क्षेत्रको व्यापारिक केन्द्र सिँगटी बजार यतिबेला निर्जन मात्रै बनेको छैन, उद्धार टोलीले खनेर निकालेको शव बुझने मानिस समेत छैनन्
उत्तरका १८ गाविसको केन्द्र सिँगटी बजारका घरहरु भत्किएर र पहिरो आएर कैयौँ मानिसलाई पुरेको छ

तराइको निम्तो लिएर दोलखा आए लक्ष्मण

लक्ष्मण ठाकुर

दोलखा, जेठ १  

पहाडमा जाडो बढे तराइले सेक्नुपर्छ
आँधी आए तराइमा पहाडले छेक्नुपर्छ ।

साँच्चि नै पटकपटकको भूकम्पबाट घरवार विहिन भएका पहाडी समुदायको चोट र पीडामा मलम लगाउन पहाड आएका छन् तराइवासी । गत बैशाख १२ गतेदेखि तीनपटक गएको विनासकारी भूकम्पले विस्थापित सबै दोलखावासीलाई आश्रयको निम्तो लिएर आएका हुन् तराइवासी लक्ष्मण ठाकुर । यसले तराइ र पहाडबीचको सम्बन्धलाई अझ प्रगाढ बनाउन मद्दत गरेको छ ।

भूकम्पका कारण चरिकोटका अधिकांश घरहरु धरासायी

बैशाख २९ को भूकम्पका कारण चरिघ्याङ क्षेत्रका होटलहरु
भत्किएको र ढल्किएको अवस्थामा

दोलखा, १ जेठ/बैशाख २९ गतेको शक्तिशाली भुकम्पपछि दोलखाका ९९ प्रतिशत घरहरु क्षति भएका छन् भने सदरमुकाम चरिकोटका ९० प्रतिशत ध्वस्त भएका छन् ।
भूकम्पबाट सदरमुकाम चरिकोटका पक्कीघरहरु मध्य एक दर्जन घरहरु पूर्ण रुपमा ध्वस्त भएका छन् भने बाहिरबाट हेर्दा ठाडो देखिएका अधिकांश घरहरु पनि बस्न नहुने अवस्थामा पुगेका छन् । बैशाख २९ गते गएको तेस्रो पटकको शक्तिशाली भूकम्पपछि अहिले सदरमुकाम चरिकोट सुनसान भएको छ ।

दोलखामा तेस्रो भूकम्पबाट मर्नेको संख्या ७६ पुग्यो

होटल प्याराडाइज भत्किएर पुरिएकी १९ वर्षकी एन्जिला पौडेलको शव निकाल्नै नेपाली सेना

दोलखा, बैशाख ३१/बैशाख २९ गते तेस्रो पटक गएको विनासकारी भूकम्पबाट मर्नेको संख्या ७६ पुगेको छ भने तीनसय बढी घाइते भएका छन् । तर प्रहरीले ५६ जनाको मृत्यु भएको पुष्टि गरेको छ ।
दोलखाको उत्तरी क्षेत्रको सिँगटीबाट साङवा जाने बाटोमा पहिरोमा बस र ट्रक परेको र सिँगटी बजारलाई समेत पहिरोले पुरेका कारण मृतकको

महाभूकम्पको तीन सातापछि प्रधानमन्त्री र शीर्षनेताहरु दोलखामा

चरिकोटको चरिघ्याङस्थित भत्किएका र ढल्किएका भवनहरुको
अवलोकन गर्दै प्रधानमन्त्री सुशील कोइराला, प्रमुख प्रतिपक्षी दलका नेता
पुष्पकमल दाहाल तथा मधेशी जनअधिकार फोरम लोकतान्त्रिकका
विजयकुमार गच्छेदार लगायत

 दोलखा, ३१ बैशाख/महाभूकम्प गएको तीन सातापछि प्रधानमन्त्री लगायत शीर्ष नेताहरुले महाभूकम्पले तहसनहस बनाएको दोलखाको निरीक्षण गरेका छन् ।
तेस्रो पटक विनासकारी भूकम्प गएको तीन दिनपछि बल्ल प्रधानमन्त्री सुशील कोइराला, उपप्रधानमन्त्रीद्वय प्रकाशमान सिंह र वामदेव गौतम, प्रमुख प्रतिपक्षी दलका नेता पुष्पकमल दाहाल, मधेशी जनअधिकारी फोरम लोकतान्त्रिकका विजयकुमार गच्छेदारले भूकम्पले तहसनहस बनाएको दोलखा जिल्लाको एकसाथ अवलोकन गरेका हुन् ।

दोलखामा मर्नेको संख्या ६१ पुग्यो, अढाइ सय बढी घाइते

बैशाख २९ को भूकम्पले ढलेको अरनिको विकास बैंक रहेको भवन

दोलखा, ३० बैशाख/मंगलवार गएको भूकम्पमा परी दोलखामा ६१ जनाको ज्यान गएको छ भने अढाइ सय बढी घाइते भएका छन् ।
मंगलवार मध्यदिन गएको भूकम्पले दोलखा सदरमुकाम चरिकोटका अधिकांश पक्की भवनहरुसमेत भत्किएका कारण सदरमुकाममा मात्रै एक दर्जन बढी मानिसहरुको ज्यान गएको हो । भूकम्पले साँढे दुइ सय मानिसहरु घाइते भएका छन् भने

दोलखामा ३४ जनाको मृत्यु, एक सय बढी घाइते

बैशाख २९ को भूकम्पमा परी घाइते भएकालाइ उद्धार गरी अस्पताल लग्दै विदेशी नागरिक

 दोलखा, २९ बैशाख/मंगलवार गएको भूकम्पमा परी दोलखामा ३४ जनाको ज्यान गएको छ भने मृतकको संख्या बढ्न सक्ने जिल्ला दैवी प्रकोप उद्धार समितिले बताएको छ ।
मंगलवार मध्यदिन गएको भूकम्पले दोलखा सदरमुकाम चरिकोटका अधिकांश पक्की भवनहरुसमेत भत्किएका कारण सदरमुकाममा मात्रै

एकीकृत पुनर्वासका लागि एक ढिक्का हुन भट्र्टाईको आग्रह

दोलखा, २८ बैशाख । पूर्व प्रधानमन्त्री एवम् एकीकृत माओवादीका बरिष्ठ उपाध्यक्ष बाबुराम भट्र्राईले महाभुकम्पका पीडितहरुलाई तत्काल पुनर्वासको ब्यबस्था गर्न सबै राजनीतिक दल एक हुनुपर्ने बताएका छन् ।
महाभूकम्पपछि दोलखाको अवस्था बुझ्न आएका पूर्वप्रधानमन्त्री भट्टर्राईले महाभुकम्पका बेला सबै एकजुट भएर पीडितहरुको पुनर्वासको व्यवस्था गर्न सरकारलाई आग्रह गरेका छन् ।

दोलखामा महाभूकम्पबाट मर्नेको संख्या ७५ पुग्यो

दोलखा, २३ बैशाख/गत शनिवार गएको महाभूकम्प र त्यसपछि गएका विभिन्न पराकम्पमा परी दोलखामा बुधवारसम्म ७५ जनाको ज्यान गएको छ ।
बुधवार विहान गएको भूकम्पमा परी विगु गाविस २ का ५६ वषर्ीय विर्खबहादुर नेपालीको मृत्यु भएको प्रहरीले जनाएको छ । गत शनिवारको महाभूकम्पले क्षति भएको आफ्नै घरमा बसेका नेपालीलाई बुधवार विहान गएको भूकम्पले ढुङ्गाले लागेर मृत्यु भएको जिल्ला प्रहरी कार्यालयका प्रहरी निरीक्षक सन्तकुमार लामाले जानकारी दिए ।

दोलखाका अधिकांश विद्यालय ध्वस्त, आपतकालीन शिक्षा योजना

दोलखा सहर स्थित राजकुलेश्वर निमाविको क्षति ग्रस्त भवन ।

दोलखा, २२ बैशाख/विनासकारी भूकम्पले दोलखाका अधिकांश विद्यालयहरुको भौतिक संरचना ध्वस्त बनाएपछि ५७ हजार भन्दा बढी विद्यार्थीहरुको पढाइ प्रभावित भएको छ । उनीहरुको पढाइलाई व्यवस्थित गर्न जिल्ला शिक्षा कार्यालयले आपतकालीन शिक्षाको योजना अघि सारेको छ ।
दोलखा जिल्लाका ग्रामीण भेगका ९० प्रतिशत विद्यालय भवनका साथै त्यहाँ रहेका शौचालय, खानेपानी लगायतका सुविधाहरु नष्ट भएको प्रारम्भिक अनुमान जिल्ला शिक्षा कार्यालयले

१० दिनपछि ३ को शव निकालियो

अमेरिकी स्काइ भ्यान ओस्प्रेले राहत सामग्री झार्दै ।

दोलखा, बैशाख २१ । महाभुकम्पका कारण आएको पहिरोमा परेका उद्धार हुन नसकेका ५ जना मध्ये ३ को शव १० दिनपछि निकालिएको छ । लामाबगर-२ को भोटेकोसी नदी पहिरोमा परेका मध्ये नेपाली सेनाले निकालेको शवहरुमा विराटनगरका युवराज बस्नेत, काभ्रपलाञ्चोकका विनोद पौडेल र दोलखा बजारका शान्तकृष्ण जोशी रहेको जिल्ला प्रहरी कार्यालय दोलखाका डीएसपी अजय केसीले जानकारी दिए ।

पाल नपाएको भन्दै नगरपालिकामा तालाबन्दी, सबै ठाउँ राहत पुगको दावी

दोलखा, २० बैशाख/विनासकारी भूकम्पले विचल्ली बनाएको आठौँ दिन बितिसक्दा पनि पाल नपाएको भन्दै भीमश्वर नगरवासीले नगरपालिकाको कार्यालयमा तालाबन्दी गरेका छन् ।
नगरका हरेक वडाहरुलाई १४ वटाका दरले पाल आएकोमा बाँडफाँड गर्दा आफूहरुले नपाएको भन्दै वडा नंं १ का वासिन्दाहरुले आइतवार कार्यालयमा तालाबन्दी गरेका हुन् । भीमेश्वर नगरको वडा नं. १ का विभिन्न